![الشاعر المرحوم الشيخ كاظم منظور الكربلائي](data:image/svg+xml;base64,PHN2ZyB4bWxucz0iaHR0cDovL3d3dy53My5vcmcvMjAwMC9zdmciIHdpZHRoPSI3NSIgaGVpZ2h0PSI3NSIgdmlld0JveD0iMCAwIDc1IDc1Ij48cmVjdCB3aWR0aD0iMTAwJSIgaGVpZ2h0PSIxMDAlIiBzdHlsZT0iZmlsbDojY2ZkNGRiO2ZpbGwtb3BhY2l0eTogMC4xOyIvPjwvc3ZnPg==)
الشاعر المرحوم الشيخ كاظم منظور الكربلائي
الــمــن الــصــيـوان مـنـصـوب يـبـنـي
وإنـت عـازم عـالـحـرب…. حـنـتك دمع اليصب
إلــمــن الــصــيـوان مـنـصـوب يـبـنـي
****
طـلـع مـن بـرج الـمـخـيـم جـاسم ويزهر هلاله
بـيـده سـيـف الـشـطـر مـرحب ونور إيمانه يتلاله
هـلـهـلـت رمـلـه وتگلـه سـيفك لچفك حلاله
هـلـهـولـة فـراگ وهـنه……. لا خايفه ولا مأمنه
بـفـراگ إبـنـهـا مـدوهـنه …. والهنه بطلعة جماله
فــصــلــتـلـك لـلـعـرس ثـوب يـبـنـي
وإنـت وصـاك الـحـسـن…. تـلـبس ثياب الچفن
إلــمــن الــصــيـوان مـنـصـوب يـبـنـي
—–
فـجـت ضـلـوع الـوداع وضـمـتـه لصدر المحنه
وصـاحـت بـصـوت الـمصيبه لاهي صيحه ولاهي ونه
واعـرضـت لـلـه الـثـدايـه وتـقـسم وتلتمس منه
يـاربـي روحـي بـهـالثدي….. وبروحي غذيت ولدي
عـريـس أشـوفـه مگصـدي…. ومـاتصد الروح عنه
وأدري مــا يـنـمـحـي الـمـكـتـوب يـبـنـي
لـلـبـاري شـاءت قـدرتـه…. يطفي عرسك شمعته
إلــمــن الــصــيـوان مـنـصـوب يـبـنـي
——-
صـد عـلـى أمـه ووجـهه مسفر بالشهاده وثغره باسم
وسـيـف ابـوه الـحـسـن بيده ومدرع بعزم الهواشم
زردت بـالـدمـع درعـه وصـاحـت مـبارك يجاسم
درعـك عـلـى جـسـمك حله….. مهر الشهاده تخيله
وأمـك الـزهـره امـوجـلـه….. تـنتظر جيتك غانم
وشــوف راس الــزهـره مـخـضـوب يـبـنـي
بـدمـعـتـي ودم رگبـتـك…. وإنـت دمك حنتك
إلــمــن الــصــيـوان مـنـصـوب يـبـنـي
—–
شـافـتـه عـلـى الـموت مسرع نادته يبني على كيفك
خـل اودعـنـك واشـمـك وخـذ گلـبـي المايعيفك
لـلـوفـه درعـك لـبـسـتـه وبيمينك ارباك سيفك
ارشـد يـجـاسـم واسـتـعـد….عالغانمه بنية الرشد
و لـو ضـفـت عودك بالخلد….. گلبي المگطوع ضيفك
وريــت گلــب أمـك الـمـصـيـوب يـبـنـي
بـالـمـحـنـه وادده….. وبـحـلـيـبـك ضـمده
إلــمــن الــصــيـوان مـنـصـوب يـبـنـي
—–
جـدمـت مـهـره وتگلـه شـد يـمينك على الصارم
وطـوف يـبـنـي عـلـى الـمخيم وانعم عيون الفواطم
وعـيـن زيـنـب خـل تـشـوفـك لمن تكد عالملازم
وعـمـك يـجـاسـم دلـلك… إگصد له خل يتمثلك
بـعـيـن الأبـوه يـصـد لك….واليموت بشرف غانم
لاتــظــل لــحـسـيـن مـطـلـوب يـبـنـي
بـيـع دمـك لـلـوفـه…. والـشـرف عـاطـفـه
إلــمــن الــصــيـوان مـنـصـوب يـبـنـي
—–
نـزل لـلـمـيـدان جـاسـم والـمخاطر رد على أمه
تـطـش بـالـحـسـبـه گلـبـها وترد بالحسره تلمه
سـاعـه لـن تـشـوف جـاسـم جـابه للصيوان عمه
بـصـف جـسـم الأكـبر مدده….. الله يعين الفاجده
مـذبـوح إبـنـهـا تـشـاهده….. معفر مخضب بدمه
صــد عــلـى أمـك يـمـك تـلـوب يـبـنـي
سـلـمـت لـلـه الأمـر…. وذخـرت أجـرك ذخر
إلــمــن الــصــيـوان مـنـصـوب يـبـنـي
—–
تـجـلـدت بـالـصبر يبني وصبرت روحي على فگدك
وچنـي مـا لـولـيـت يـبـنـي وچني ما هزيت مهدك
وچنـي مـا سـهـرت عـيـونـي وچني ما شميت خدك
چن الـلـيـالـي مـا مضن…. وچن الچواچب ما زهن
حسبتك على حساب الحسن…. واحسب على الدين جهدك
واحــد بــسـبـعـيـن مـحـسـوب يـبـنـي
دمـك و دمـعـي الـيهل…… وعد رسول الله السجل
إلــمــن الــصــيـوان مـنـصـوب يـبـنـي
زر الذهاب إلى الأعلى