الشاعر المرحوم الشيخ كاظم منظور الكربلائي
كللي يالميمون
كللي يالميمون…. وين والينة
آنة يالميمون …. بيدي جدمتك…. وأنخمش كلبي
من رحت بحسين …. باللة ودعتك…. والباري حسبي
وبكت روحي تلوج ….. وانتضر جيتك…. وعيوني ترمي
جيتني خالي…. حسين جا وينة
راح من ادينه
باللة يالميمون …. رد علي جواب ….وخفي ونيني
سرجك المكلوب …. صاب كلبي صواب ….واثكل حنيني
هذا دم حسين …. لو حمر خضاب …. ما تدليني
همهم الميمون ….وهملت عينه
راح من ادينه
دم يا هالميمون …. وجهك خضابة ….والكلب عطب
من وريد حسين .. لو مني صوابة ..وجهك تخضب
كلها سهم البين .. بالكلب صابة .. شمالج يزينب
دم اخوج حسين …. ما تعرفينة
راح من ادينه
ليش يالميمون… مندهش شحالك …مجبل عليه
تجر بلجامك … تصهل شمالك … ونتك خفية
جيتني خالي …وين خيالك … عفتة رمية
وين اخوية حسين … عن صواوينه
راح من ادينه
باللة يالميمون …لهفتي ردها … وهود عويلي
كلوب هالايتام …لاتمردها … هدمت حيلي
هاي سكنة تريد … مني والدها … وفجعت دليلي
جن اخوية حسين …. يتم سكينه
راح من ادينه
ليش يالميمون… سيبت حالي …وهدمت داري
وكطعت بينا … بطيحة الوالي…آه ينكساري
وكطعت كلبي .. بسرجك الخالي .. وهيجت ناري
حرم ضلينة …. ومن يحامينه
راح من ادينه
